Tips Tricks And Tutorials

تابع عبر البريد الإلكترونى:

Widget by our
التسجيل

أهلا وسهلا بك إلى Oursons.

If this is your first visit, be sure to check out the FAQ by clicking the link above. You may have to register before you can post: click the register link above to proceed.

+ الرد على الموضوع
النتائج 1 إلى 1 من 1

الموضوع: ازاي تستفيد/ي من السفارة الأمريكية ف مصر؟

              
    Bookmark and Share
  1. #1

    ازاي تستفيد/ي من السفارة الأمريكية ف مصر؟

    من مشاركات الفيس بوك

    ازاي تبدأ تتعلم انجليزي " لو ما شوفتوش :
    ده لينك اول بوست بتاع فتحة الخير دي
    https://goo.gl/16hQh7
    وقلنا أن السفارة الأمريكية من اكتر الاماكن اللي ممكن تستفيد منها في الموضوع ده،
    طب ازااااااي؟؟!!
    انا اقولك smile emoticon بس انت عد معايا smile emoticon


    1- لو بتتعلم انجليزي وحابب تطبق عملي :
    كل يوم أربع السفارة بتعمل محادثات مع ناس أمريكيين عن مواضيع مختلفة وأي حد يقدر يحضرها ببلاش بس بشرطين هنقولهم ف الآخر.


    2- ف الأيام العادية تقدر تروح وتعمل محادثة برضو مع ناس مصريين بس هتلاقي فيهم ناس جامدين جدا.


    3- زهقت من الكنبة والبلكونة والسرير ولعب البلايستيشن وحابب تتفرج ع افلام اجنبي بترجمة انجليزي وسماعات عالية آخر حاجة وتليفزيون الفرق بينه وبين السينما ملم devil emoticon (اللي هو مللي ) ، هتروح تلاقي الناس هناك عندها افلام اجنبي طازة وشاشات عالية تنين وسماعات وكدزة، وللأسف كمان ببلاش .
    4- عمرك ما لعبت ع الاكس بوكس وطول عمرك تسمع عنه بس زي حالاتي، هتلاقيه هناك devil emoticon وببلاش برضو.


    5- عندك بحث وعايز نت سريع ما يفقعكش، الناس هناك جايبين وصلة نت سريعة تنين ( تقريباً شادين سلك من أمريكا) وشوية أجهزة apple على قدهم كدة، وعلى فكرة... ببلاش برضو devil emoticon .




    6- بما أن الناس هنا في تعداد المثقفين وممكن كتير يكون بيدور على كتب أدب انجليزي أو تاريخ أو اجتماع أو تنمية أو أي بتنجان، الليلة دي كلها هناك ببلاش، لا وايه،،، كل الكتب اصلية.


    7- فاضي ومش وراك أي حاجة وعايز تلعب شوية انت واخوك أو انتي واختك ومش حابين الاكس بوكس، هتلاقي هناك طن العاب ذكاء وحروف متقاطعة وشوية العاب معرفتش حتى اسمها، وكله بالانجليزي.


    8- عايز تسمع محادثات انجليزي بهاند فري وجهاز audiobook مليان محادثات مختلفة، هتلاقيه هناك.


    9- طيب ليك ف جو الايفينتس والمحاضرات والاجتماعات والبتنجانات، هتلاقيه هناك، محاضرات عن مختلف المواضيع من تعليم ف الخارج ومنح وووووو.


    10- مش لاقي حاجة اكتبها ف رقم عشرة غير أني اقولك صلي على رسول الله صلى الله عليه وسلم wink emoticon




    خد #التقيلة :
    تقدر تستعير كتاب التحضير للتوفل TOEFL
    اللي هو مش عارف بكام ميت جنيه ومعاه الاسطوانة بتاعته كمان wink emoticon


    #أسئلة شائعة بعد البوست ده devil emoticon


    >> هي المواعيد بتاعتها امتة؟
    كل يوم من الأحد للخميس من 10 ص : 4 م


    >> هو في شروط عشان أدخل؟؟!!
    اه
    - اول حاجة يكون معاك البطاقة الشخصية مش مكسورة أو منتهية أو يكون معاك باسبور.
    - ميكونش معاك أي شيء اليكتروني غير الفون اللي هتسيبه هو والهاند فري ع البوابة برة قبل ما تدخل، غير كدة بقى سواء فلاشة، شاحن، لاب، اي بود، أي بتنجان بينور حتى لو قصافة ظوافر مش هتدخل بيها.


    >> طب لو نسيت وجبت معايا فلاشة أو أي حاجة من الممنوع ده ؟!
    أولا لو قلبت شامبانزي إفريقي خليك متأكد ان الأمن مش هيدخلك، بس هتلاقي قدام السفارة بتديله الحاجة وهياخد فلوس لحد ما تخرج، وخلي بالك الفلاشة ب 5 جنيه عشان هيقولك عشرة، قوله انا داخل المكتبة devil emoticon .


    >> ايه هي شروط المحادثة اللي انت قلت عليها فوق؟!
    - شرطين، أولهم انك تكون عامل كارنيه عضوية في المكتبة بتاعة السفارة،،، ازاي،؟؟؟ عادي بتروح أي يوم قبل الساعة 12 وتقول للريسيبشن عايز اعمل كارنيه، هيقوم رازعك صورة زي بتوع البطاقة وتستلم الكارنيه ف نفس اليوم.
    #تاني شرط انك تكون حاجز المحادثة عن طريق الميل، ودي سهلة، انت اول ما تدخل قول للريسيبشن عايز اعرف شروط المحادثة هيديك ورقة فيها كل حاجة.


    >> ينفع استعير كتب أو أسطوانات افلام أو كتاب صوتى؟!
    اينعم
    بس لمدة أسبوع، وممكن تجدد أسبوع كمان عن طريق الميل أو رقم الأرضي بتاع المكتبة، هتلاقيه ف ورقة الارشادات هناك.
    طب لو نفضت بعد المدة؟! devil emoticon اليوم الزيادة ب خمسة جنيه تقريباً grin emoticon,, والساعة بخمسة جنيه والحسابة بتحسب grin emoticon


    >> يعني اول ما اروح اعمل ايه بقى؟!
    بص يا صديقي هتسال ع البوابة عايز أدخل المكتبة اللي
    تمام ( IRC ( information resources center
    وتعتبر انك داخل سفارة الحاج أو الحاجة devil emoticon عجبك فلم ناس مشغلاه وفي مكان جنبهم، شدلك كرسي وسماعة من ع الترابيزة واتفرج، عايز تلعب أدخل العب، عايز كمبيوتر، الجهاز الفاضي اشتغل عليه devil emoticon
    انطلق يعني grin emoticon


    استنى استنى انت عرفت العنوان فين؟
    أقرب مكان ليها محطة مترو السادات و سعد زغلول أو الأوبرا
    أنزل وقول عايز اروح السفارة الأمريكية، هتمشي شوية صغيرين ما تخافش smile emoticon
    هتدخل من ناحية الكورنيش


    #أمانة حملتهالك : انك تنفع عشرة أو أكثر بالكلام ده سواء بالمنشن أو أنك تاخدهم معاك أو تحكيلهم أو أي طريقة، المهم #علم10

    [فقط الأعضاء المسجلين والمفعلين يمكنهم رؤية الوصلات. ]

  2. # ADS
    Circuit advertisement
    تاريخ التسجيل
    Always
    المشاركات
    Many
     

 

 

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

Visitors found this page by searching for:

التربية, الأبناء , الأولاد , البنات , الحمل , الولادة , مراهق , مدرسة , مكتبة , كتاب الطفل , الحضانة , الطفولة , رضيع,
SEO Blog

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك